شعر :: خط قلبي - محمد عبد القادر

اللي شاغل خط قلبي

مش مجرد متصل

واشتراكه ف عرض (حبي)

ساري لو مهما حصل

كل يوم بيزيد رصيده

مهما خربشلي ف (كروتي)

وان طلبني ف يوم هجيله

حتى لو رن وفصل

-*-*-*-*-*-

برج إرسال عقلي طاير

قلبي فيه الـ (Signal) ضعيفة

رنة بتحدد مصاير

وانتي رناتك مخيفة

لو ف مرة تقولي: "عفوا

غير متاح قلبي لقلبك"

همشي اقول (سلفني شكرا)

واعيا بدماغي الخفيفة

-*-*-*-*-*-

باقة الأحلام معاكي

(Unlimit) ملهاش حدود

هكتشف (شفرة) هواكي

وادخلك فيروس ف كود

واحذف الناس من شريحتك

واسكنك من غير إيجار

واكتبك ف الحب باسمي

واملكك من غير عقود

-*-*-*-*-*-

دة اللي شاغل خط قلبي

مش مجرد متصل

واشتراكه ف عرض (حبي)

ساري لو مهما حصل

------------

يمكنكم متابعة الشاعر على:
https://www.facebook.com/poetmohammedmoharam?ref=hl