شعر :: لسة مجتش - ناجي نعيم

بَص فـ عين الساعه وخاف

مش مطمن

لسه مجتش !

يمكن نسيت؟ نامت ؟زعلت ؟

حاجه تجنن

لا مزعلتش !

طب مش ممكن ؟

لا مش ممكن

اعمل ايه في ظنوني اشتقت

ده انا احيانا

مش احيانا

ده انا متعذِّب طول الوقت !

تاني دقيقه فـ تالت ثانيه ..

فـ رابع تنية ايد بتبوسه

علَّق رِجل فـ كِتف التانيه

وقْعِت صوره في حضن فلوسه

شاف الدِبله في ايدها بتبكي

مَص الدمعه بـ شِفّ عنيه

دوّر وِش الحظ يعانده

شاف ف اديها التانيه اديه

لَم ضلوع الحسره اتنهِّد

ضحَّك بكَّى دموعه عليه

مَد الكرسي كتافه اتسنِّد

شَد الضعف كفوفه إليه

مُره النظره لآخر مرّه

واهو من برّه

لسه ممتش !

بَص في ساعته لآخر بصه

ساب القِصه ..

ولسه مجتش !