إزعاج :: شعر :: متقولش مشبعتش - علا مجدي

اربط حزام الشبع

حوالين بطون ‏الجوع‬

وان زاد عليك الوجع

اعمل حزام حجَري..

نشِف دموع ألمك

يابني الايدين قصروا

من امته ليهم طول!

ده انا ضلي من فقْري..

خايفه عليه ل يزول!

معلش يابن ‫الموت‬

مكتوب تعيش فَقَري

وتحب بنت التوت

متطولش اوراقها

جيت للحياه عطشان

وشربت من دمعك

اسفه ب اني امك

اسفه ب انك روح‬

كان نفسي حتي تروح

علشان متوجعنيش

كان نفسي مره تعيش..

لكن مهوش حقك..

الضلع بيشقق

والفقر مبيشبعش

وهسد ليه ف الشق

والحيط اساسه الهش!

الذنب مش ذنبك

لكن مقصرتش!

اوعاك ف مرة تمل

خد من نصيبي وكُل

وان جاك صدى م الجوع

اعمللي مسمعتش

انزف شويه دموع

لكن بحق ‏الفقر‬

متقولش مشبعتش.