إزعاج :: شعر :: اللي بنى مصر - أحمد فرج

اللي بنى مصر - أحمد فرج

اللي بنى مصر كان في الأصل ابن حرام 

بنى للغلابة العشش والقصر للحُكّام

دفن الفقير في الترب، وملوكها في الأهرام

اللي بنى مصر صب القاعدة بالمقلوب 

وقال هنطلع ونعلى.. وننجز المطلوب

وازاي هنعلى إذا كان الأساس معيوب!

اللي بنى مصر كان في الأصل واد م الصين 

كانت عينيه ضيقة، ومبلبع القُرصين

وعشان كده.. مع أي "تاتش" بتتقسم نصين

اللي بنى مصر خف المونة تحت الصاد

وعشان كده المر عاش للشعب بالمرصاد 

مُجبر على الصبر ومش سالم من الحُسّاد

اللي بنى مصر كان عيّان بفيروس سي

نقل المرض للبلد، قالت البلد: "ميرسي" 

قام الطبيب يعترض، هتف المريض: "سي سي"

اللي بنى مصر كان في الأصل واد قوّاد

حزّمها للأجنبي وأزّمها ع الأولاد

وعشان كده مصر يا ولاد.. لاعبة في العدّاد